ZBC News June 12, 2016
_89952443_e5f852cb-6df4-43ee-b4b4-533c4aa5d4db

_89953736_033426709-1

_89952444_89951977

USA gamsung Orlando, Florida khuapi Zomi tampi omna khua khat zong ahi Sani zan zingsang dak 2:00 a.m. hun in pasal te lamna (gay Nighclub) ah migo lo (terrorist) thautawi khat thausau khat leh thau tom khat tawh lut in mi bankap in 50 kaplum in, 53 liam hi. Migilo pa pen a kungtung ah van pawlkhat zong pua ci hi. USA gamsunga hih bang mukim huai kikapna pen 911 khitzawh apiang ngeilo thu ahi hi. Mithat pa pen kum 29 US gammi New York ah suakin a nulepa pen Afghanistan gampan US gam ah a pem ci hi. Palik te in mithat pa kaplum uh hi.

Mikap pa pen Omar Mateen Ft. Pierce, Florida pan hi in muslim biakna pai khat ahi hi. Hih hiamgam nasepna dingin nakpi tak in kithawi hi, tua ban ah mi a thah ma in 911 sam masa in a beisa ah Boston bomb puakhap sakna leh ISIS te vai zong phone 911 sungah gen khia ci in palik te in gen hi.

Hih bang mulkim huai cikziatna kithahna hangin Florida State governor Rick Scott in emergency tangko khia hi. Facebook in zong safety check activate hi. Hih tuahsiatna thautawi pa leh palikte zong nakpi takin kikap tuahin palik te khat a lutuamna siklukhu thauin kha in a mitliam in a mah bel bangmah cilo sam ci hi. US President Barack Obama in hih tungtang ah a si innkuanpihte ahi zongin hih tungtang ah thugenna nei hi.

Zomi Broadcasting Corporation – ZBC

Facebook Comments