[pdf-embedder url=”http://www.tungzangnews.com/wp-content/uploads/2015/12/ZC-2016-.pdf”]

12369220_998763103521408_1196330545061554856_n

12366415_998763536854698_572994378715907010_n

12342754_1000167710047614_5783319979899146423_n

12341288_998763556854696_3720597458262260302_n

11046285_998763256854726_3013728555533710587_n

11218610_998763573521361_477170947211245562_n

12308684_998762903521428_8037222288089059167_n

12314139_998763130188072_2408963948393235748_n

12316214_998763000188085_1647489662212802149_n

11046285_998762840188101_1042651171282805389_n

Zomi Cup Laltaa 2016 and Zomi Nationl Day Feb 20, 2016

Zomi pih a zahtak huai khuanu khuapa dammaw ci-in kong hopih masa uh hi. Zomi Cup, Zomi Nam Ni hong tung ding ahi Feb 20, 2016 ah Laltaa khua ah kibawl ding ahih manin no khua pan in Zomi Cup kimawl ding team (1) nong kihel nading un kong sam uh hi. Zomi Cup pen kum sim in Zomi Nam Ni tawh kituak in a beisa 2015 a kipan in Tungzang khua ah ki bawlkhia hi. Zomi Cup leh Zomi Nam Ni banghang in bawlkhawm hiam cih leh Zomite minam pi khat hihna te pahtawi khawmin Zomi Cup ki mawlna tawh pahtawi-in pibawl khawm leng cih deihna bulpi ahi hi. Leitung ah kimawlna mah in mite gualnuam sakin gawmkhawm zo pen ahih manin minam khat, sakhat, unau khat, behkhat hihna leh ki itna, khua khat leh khua khat ki meltheina hong khan semsem na ding deihna ahi hi.

Feb 20, 2016 Zomi Nam Ni Laltaa khua ah nasia tak kibawl ding hi, pello in no khua pan in ki mawl dingte leh Zolia khat maw nih maw tawh mimal gawm vekpi (17) bawlong khat leh lan (flag) khat tawh nong paina ding un itna lianpi tawh kong sam uh hi.

A nunung pen Jan 15, 2016 ni ma in Zomi Cup ki mawl ding, sapna ngah khuapeuh mahin, khua bangzah pai ding cih kithei nuam ahih manin Jan 15, 2016 peuhmah in Tungzang hausa pa leh Laltaa Zomi Cup Makai te tungah puakkim ciat ding ahi hi. Tua ni akipan apai ding khua leh mimal khempeuh zin tun ni dingin hong kiseh sak dinga, Feb 15, 2016 ni pen LALTAA khua ah zinpi tun ni hong hi pah ding hi. Zomi Nam Ni Feb 20, 2016 tawh ki zawh bawl ding hi.

Zomi Cup hunsung khempeuh nitak simin khangno khempeuhin lapawi (Concert) neikhawm ding hi. Zomi Nam Ni hun sungah Zomite ngeina leh lasakna tuamtuam te khempeuh kigawmin tua ni takin kizo siang ding hi. Topa’n Zomi te kituah khopna ah buaina leh nawngkaina om loh nading in Zomi pih te’n thungetna tawh phawk ciat ni. Hih bang vai lianpi te khempeuh Laltaa Hausa leh Zomi Cup makai tengin vaite khempeuh kizawh ciang dong mapang ding uh hi.

Zomi Cup pawi hun khempeuh buaina omlohna dingin Laltaa Hausa leh Zomi Cup makai ten vai khempeuh van ding uh hi. Mipi leh khual panin kimawl dingin apai khempeuh suakta takin om thei ding uh hi. Mipi kem dingin Laltaa Hausa leh Zomi Cup makai lam panin mi kikoih a, tuate’n a khengval gamtat khelhna leh buaina kisapna khat peuh om leh manlang takin delh in van ding uh hi.

1st Zomi Cup leh Ks150,000.00 leh Belkaang khaap 9 khat.
2nd Ks100,000.00 leh Medel
3rd Ks,70,000.00

1. Kungpan siam pen
2. Kung mai siam pen
3. Zomi Cup kimawlna ah mi lungduai pen
4. Laikah siampen
5. Mai kah siampen
6. Goal tam piapen
7. Team lungduai pen

Zomi Cup kimawl abeisa kal suan zia dan mahin kipai to ahih manin bang mah kilam dang lo hi, kimawl ding ten lawp takin Feb 12, 2016 Laltaa khua ci damin tun kim sawm ciat ding hi hang!
Zomi leh Zogam pen Zomi te mahin phungvuh in tawi sang dingin Topa’n Zomi te hong nusia kei ta hen. Zomi Cup kimawl dan ding athu atel kan nuam ten hih anuai ate gel nakan ciat un.

Zomi Cup kimawl ding Team ciat in Bawlong ei mau deih zah tek kisin nading keng ciat ding hi hang, Zomi Cup’ kimawl na sungah Zomi Cup abek kisui thei dinga, ei mau puak te tua ah kisang lo ding hi.

Tungzang Hausapa Pu. Thang Za Lian
Laltaa khua inn tek Zomi Cup makai

1. Lut man Ks15,000.00 ki la ding hi.
2. Zomi Cup kimawl ten Uniform silh ham tang ding hi.
3. A hun manin kimawl kipan pah dinga, minute 5, zekai te alel in kiciam teh ding hi.
4. Yellow Card khatvei ngah te Ks 3,000.00 hi, pah ding hi. Puai khat sungah nihvei Yellow Card angah mi Red Card kipia pah ding hi.
5. Red Card khatvei ngahte Ks 5,000.00 hipah dinga, puainih sung kikhawl sak ding hi.
6. Team khat sungah kimawl khinsa te lut kik thei lo ding hi.
7. Zomi Cup kimawlna sungah zuukham, khamtheih nam zangte ZC kipawlna in kimawl sak lo ding hi. 8. Zomi Cup kimawlna ah Goal lutzah ki en masa dinga, mi 2-3 kituak zenzen leh Panalty Goal om maw? omlo ki en dinga, kibat toh lai leh Meesawk tawh thu kikhen ding hi.
9. Kimawl laitak hun sungah Phitmut te thutawh thu khen satna kila ding hi.
10. Zomi Cup kimawlna ah Team khatpeuh ahih kei leh mimal khatpeuh in buaina apian sak leh kimawlna panin khawlsuak dinga, kum3 kimawl thei nawnlo ding hi. Zomi Cup kimawl team leh mimal te’n kilawm tatna bangin Zomi Cup kimawl ciat ding deihna hi.
11. Zomi Cup kimawl peuh mahin min deihman leh thang paihna gual zawh nop manin ngaihsun lo ding ahihi. Zomi Cup” nang leh kei Zomi ih hih lai teng kipawlna ahihi, Zomi Cup kum simin kimawl den dinga, tua sungah agualzo te kipahtawi siamin ki lungdam pih thei ciat ding hi hang!
12. Zomi Cup kimawl nading khuakhat peuhin Tualpi lian nei zo ham tang dinga, kimawl ngeina mah bangin mi11 mah Zomi Cup kimawl ding ahihi.
13. Zomi Cup thukhun bangin azui zote kimawl thei bek ding hi, Zomi Cup kal suan zia bangin thukhun nuai ah Zomi te ki-it siamin kizah tak na leh kilawm tat na thupi sak in kipum khat ding hi.

14. Zomi Cup 2017 kimawl ding pen puan tungah lai at ki bangsak mang dinga, color pen deih bang hi ding hi. “Zomi Cup 2017” at in anuai ah “Cup” lim tuangsak in tua nuai ah khua min ciat ki at tek ding hi.

Zomi Cup Kipawlna panin mailam saupi khualna leh Zomi hihna apiciin semsem nading Zomi Cup Committee in hi bangin thukhun tawh kalsuan ahihi. Zomi Cup ading mapang khempeuh Committee in hoih takin kiciam teh hi!

Zogam Zomi Cup Committee

Facebook Comments