a-gualzo-leh-a-lawhcing-mite-neih-quality-nam-7-te

Agualzo le Alawhcing Mite Neih Quality Nam 7 te
__________________________________________________________
Nov 25-30, 2008 10 Kalaymyo Baptist Church
Topic II: ‘AGUALZO LE ALAWHCING MITE NEIH QUALITY NAM 7 TE’
Thuphungpi – Dr Chin Do Kham, Founder & President, Global Outreach and
Community Development
President, Zomi Innkuan, USA
Commentator – Sia Lang Khan Khai, Principal, ZCTS
Chairperson – Tg Nung Mun Thawn, Part II, Final, MBBS, Magwe
Thuphungpi Rev Dr Chin Do Kham in
Zola VCD khat (Tun sung khat piang) tawh
tha hong lakpihin thugen hong kipan hi.
Hih bang thu gen thei dinga hong sam
Siamsin makaite le mipi tung lungdam le
angtang mahmah ing.
Mi tampi gamdang hangin tuabang
gamdang i tunna tawh kisai lungdamna a om mah bangin lungkhamna zong om hi.
Bang hang hiam cih leh amau pen Kawlgam ciahnawnlo ding uhi.
Zomi-a piang mikhat, PhD khat man, hilhkik zo dong dingin Pasian in Hong
koihna tungtawnin hih ka dinmun tawh kizuiin i minam ading mapang thei ding
lunggulh hing. Zomi Innkuan USA ah President kum 2 semkhin ing. Zomi inn lom
omna gam kici peuhmah ah kei sum mah tawh va hawhin va van ing. Tutungin
Kawlgam ah US citizen khatin hong pai ka hihangin social visit tawh ong pai ka
himanin suahtakna om zawdeuh hi. Jan sung Brazil ah WCC meeting, cih bang
maban nei lai ing.
Ka nuntakna ah ka khutlet thu in ‘Gal neilo ding, huamkim ding’ cih hi. Zomi
bek hilo, leitung bup dongah taksuah ding, picing ding, ngimna nei ing. Tuni kong
gen ding thute pen a thulu tawh kituakkhin taktak zolo kha ding ahimanin telsiamna
tawh nong ngaihsak nading ong thum nuam masa ing.
Zomite tawh kisai i dinmun ka muhna nam 4 gen masa nuam hing.
– Zogam piang, lokho, singpua, si ding pawl
– Zogam pan Kawl/Vai lak khang, Zogam ciah kik lo ding
– Gam nuam pai ding kithawi, lampi kaala athaam
– Gam thupi tuamtuam atungsa pawl (US ah Tedim 2,000 val)
En Zomi i ki cihcih hangin Falam, Khalkhaten Zomi nong cih uhsang ka
ngawng uh ong tan zaw un hong ci ding uhi.
Hih dinmun 4 sungah kitelkhialhna tampi om ding hi. A 4 nate ading dahhuai
ka sa mahmah hi.
Zomite khantohna le kiamna pawlkhat ong kuppih nuam lai ing.
Music le la lamah khangto hanga, thu lamah i kiam hi. Gamdang pai tam mahmah
gamsung gamvai van ding ah kiam hi hang. Neih le lam lamah i khanga kha lamah i
kiam hi. Pilna, siavuan, engineer, adt., lamah i khangto-a itna lamah i kiamsuk hi.
Gam le lei anei nawnlo ding kisa-a minam itdan asiamlo minam i hi hi.
Gamdang a om eimite ka hanthot zelna ah bangzahtain gamdang ah kum 20-
30 i om zong Mangkangten ‘ei’ ong ci ngeilo ding uhi. Zomi i hihna i gam pen
zumpihlo ding hi hang ka na ci zeel hi.
Zomite i ki pumkhat theihlohna pawlkhat ah –
– denomination kibanglo
– kampau (Teizang, Dim, etc.) kideidanna om gige hi. Ning kum khat in Tahan
lamah ko beh meeting nei ding ci-in ka va pai leh inntekpa pen Sihzang khat
Agualzo le Alawhcing Mite Neih Quality Nam 7 te
__________________________________________________________
Nov 25-30, 2008 11 Kalaymyo Baptist Church
na hi. I pau lian tawh kigal bawl ding hileng ka behpa khat ka gal ong suak
ding hi. US-a om khangno pawlkhat Zopau thei nawnlo uhi. Pau kibanglo
peuhmah gal ding hileh i tate i gal suak ding uhi.
– Khua kibanglo
– Kipawlna khat ah ei deihna lut keileh (akl) makaikha keileng tua makaite
langpan pah thei hi hang.
Thulu tawh kisai Christian Muhna
Agualzote i cih in Pasian in ama ading A koih, A khensaksa mun a tung zote cihna
hi. Achieving God’s Given Destiny. Pasian in Ong hihsak nopna, Ong kamciamnate a
tangtun zote hi. I nungtakna i ngimna i tun nai hiam. Lamkal ah omlai maw.
Agualzote i et ciang, ngeina hoih kibang pawlkhat na nei uhi.
1. They know who they are
Amau le amau kithei hi
Mi amuangmawhte pen amau mahmah amaunhuailote hi. Samuel Johnson in
‘Almost every man wastes part of his life in attempts to display qualities which he
does not possess and to gain applause which he cannot keep’ ci hi. Kipawlna hitaleh
mimal hitaleh gualzawhna le khantohna Apualam pen asunglam in abat kei leh picing
lo ding hi.
2. They have healty self identity
Acidam hihna nei uhi
Many people define who they are based on the opinion of others. Mi tampi in
amau tungah mite muhna tungtawnin amau le amau kiseh uhi. PhD nei tungte a
pilna uh lak nuam ngiat uha, PhD luipiten bel Dr ong ci kei un cici phial uhi. Apil
taktakte kiniamkhiat. 1994 kum, Dr ngah tung laiin biakinn khawng ah introduction
hong kibawl ciang Dr ong kici kei kha leh cih lungsim kinei gige hi. Asawtsawtciang a
buaih min lian sangin a quality phamawh kisazawta hi. Hih buaih tawh kituak pilna
ka nei mah hiam.
Asia gammiten nam neu lungsim nei uhi. Lungsim galdona kilel thei uhi. Tua
hang mahin i hih zah ding kihi zolo pah hi. Asia mite ahai hi tuanlo, Mikangte apil hi
veva tuanlo. Kang hiahua napin ahai mahmah tampi om veve uhi. Kawlgam/Zo
khuak zong aniam na hi hetlo hi. UK-a Tedimte Lianpu a kici khat pen Olympic
building ding a lam lakah kihel khat hi. Tua bang panmun sang, pilna sang pipi a nei
zo zong i om veve hi. Amau system sungah lut vetleng minuaiah kiom tuan hetlo hi.
US tung nupi pawlkhat bang Mangpau siamloh dinga khensatsa-a ong pai uh
ahimanin Mangpau siamlo pah. Tua mah banga guallelh dinga khensat khin
pawlkhat i om hi. Galdo nailo, gallel khin mi honpi khat kiom, hehpihhuai kasak
mahmah hi.
Tua ni ciang Pasianin Mangno dinga kong bawl, Mangno mahin na suak hiam,
ci’n ong dong ding hi. Midangte tawh kitehkakna tawh buaibuai nawn kei ni. Ei line
ahilo i kivaklohna khat ah bang zahta-a i hanciam zongin, lawhcing ngeilo pawlkhat
om hi. Kei zong la ka uuk mahmah hang, siam huailo hing. La khat sungah key 3 vei
bang laih kul. Hih nu/pa’n la sa keileh Pasian minthangzaw ven teh aw a ci kiom
phial ding. Bang kivakna Pasian in hongpia hiam cih i kan ding kisam mahmah hi.
3. They are visionary: They are forward looking – Goal Oriented
Muhkholna tawh nungta hi: Mailam ensa in kalsuan uhi. Tup le ngim kician
nei hi
Agualzo le Alawhcing Mite Neih Quality Nam 7 te
__________________________________________________________
Nov 25-30, 2008 12 Kalaymyo Baptist Church
Tu-a dinmun ah omsuak ding kiumlo hing. Taih inn i lam laitak bukno sungah
om pen nuam lel hi. ‘They begin with the end in mind.’ I makhup ding lungtup-a koih
in kalsuan ding hi hang. ‘Leaders are architech.’ Makai i cihte pen inn lamte bang hi.
A lam ding uh inn pen Blueprint tawh lungsim mit tawh mukhol thei uhi.
Kum 15 ka phak akipan leitung kimvel ding cih genpi-a ka gen hi. Ka gei-aten
zadah mahmah khin liang uhi. ‘They see beyond what the average person sees.’
Agualzote i cihte in mite muh sang agamlazaw mu uhi. Tulaitak haksa kasat hang
nikhat ni ciang tua… ding pa hing cia i nuntak ding kisam hi.
aSee the big picture. The best is yet to come.’ Agolzaw-a muh/et theih ding
kisam hi. Haksatna bangzahta i thuak hang ei ading na ahoihpenpente hong pai ding
om lai hi cih i lungmuan ding kisam hi.
Abeisa kum 4 laiin, huhna hong kingen, annsai khat zuak kipan ding, teng 2
kisam ci hi. Ken tua teh ansai kipan ding naihleh Zangkong khua sunga an limpen
kizuakna sai piangsak ning nacih leh tua azian teng 2 hong pia ding, khantawn-a lam
geiah anzuak sawm na hileh ong pialo ding hing ka ci hi.
US tun zawh kha 6 sungin Pawlpi khat ah associate pastor ding ong kisam hi.
Thangahtaka thu ka hilhhilh leh, ka man ciang bang ahia na cih nop ci in hong kidong
mawk, nuam hiau kei ei. Mangkangte khat in ‘You speak good English’, ong ci leh
apatna lamah kinuam napi’n sawtsawtteh tua bang ong cih uhciang asiam ngeilo
dinga ong na sehsa nai vevua maw cih kul hi.
Na pianna khua neu muh ken, cin Pasian in ong hopih. Angtang zaw in Hong
ci hi. Celebrate your uniqueness. Tua akipan kilamdang hi ngiat ding cihna hi.
Mihing ngeina le pianzia kanna Anthropology Field ah ngeina tawh kisai dawl
3 om hi. Leitung mihing khempeuh universal humanness ah kibang i himanin i
kituamna vun bek akilamdang ahi hi. Tuakhit bel pi muhluatna nei nawnlo hing.
‘Perspective is everything.’ No avom milmela nong muh uhang ong bawl Pa in no
sang ahoihzawa hong mu ding hi, ka cih leh Mangkangte thukim lua uha ahimanin
khutbeng ziahziah uhi. Kei suakta kaihcianga ong mute zong suakta uh.
4. They stay focused: The set and keep priorities
Agim le asep khat mitsuan cinten uhi: Amasa le anunung ding khentel in
nasem uhi.
Uuk ahauluate gamla tunglo. Focus pen thupi mahmah hi. Olympic champion
i cihte pen sun tawh, zan tawh tua lian mah sem uha, tua mah pen haipih zo uhi. Billy
Graham zong Pasian nasem lakah agualzo, lawhcingpen hi. Gupna thu bekbeka Jesu
in bang gen cih bekbek gen hi.
5. They have determination & Perserverance
Lungkipna le cihtakna nei uhi.
Utbuang utlobuang, khentatna neisianglo indecisive mi in gamla tung hetlo
hi. Na khempeuh hih ading zian ning ei a ci, risk taker,-te bek mah masuak zo uhi.
Nungakpi pawlkhat, ahoihzaw khat ong paikha leh ci-a, risk la ngamlo uh ahimanin
ahicipi suak uhi. Leitung kimvela ka zinzin phial hangin ka khuak hoihlo hi. Mi
minthang 7 lakah kihel ding ci in ka neulai in ka gen ngei hi. Stageshow uuk lua
mahmah ka himanin sum leitawi lianga stageshow va en zen hing. Tan 10 zong 3 vei
ka phi khitciang ong zo pan hing. Lungkia theilopa hing. Kumkik ah phi ding, ka on
mateng phi ding a ci hing.
Pilna taktak lecture tawh kingahlo hi. Sangnaupangte tawh ki challenge kul.
Not spoonfeed. Sikkeu tawh kitulh hun hi nawnlo hi. Cihtakna le lungduaina kisam
hi. ‘The winner never quits, the quitter never wins.’ cih paunak a om bangin agualzote
cikmahin lungkia-a pusuaklo-a, lungkia-a a pusuakte cikmah hunin gualzo ngeilo uhi.
Champion nakguhngek kitan lianga training omlo-a champion kisuaklo hi.
Agualzo le Alawhcing Mite Neih Quality Nam 7 te
__________________________________________________________
Nov 25-30, 2008 13 Kalaymyo Baptist Church
6. They are willing to pay the price
Amau in a ngimna khat adingin a neih uh piakhia ngam uhi.
7. They keep a learning and teachable attitude
Mi thuhilhna a sang thei dingin lungsimpuak nei uhi
Akhangto gamte ah naupangno khat gen nangawn note la-a ciamteh tangtang
uh. ‘Learn to think on paper.’ Idea neu khat pan na lianpi ong piang thei ahimanin i
ngaihsutna idea-te lai mahtawh khum, ciamteh ciatciat ding kisam hi. Tua hi leh i
kisap ciang kien theikik dinga lem mahmah hi.
Ei mite i zawnna pen sumlepai zawnna hilo in ngaihsutna(idea) zawnna hi.
Leitung ong kipia zonga bangmah suahlo ding hihang. Tuaban ah kiniamkhiatna le
hilh theih sawn ding lungsim neihna kisam lai hi.Tua ban ah supna le guallelhna
athuaksiamte in gualzawhna thupha ngah ham tang uhi. Tapidaw upna sungah om in
Topa Zeisu honpa gumpa a i san pen a tom in ci leng hell sung tung nuamlo ih cianga
vangam i tun nop hang hi.
Q&A
Ei Zomite pen thu dot nop khat nangawn khialkha leng cin’n dong ngamlote hi
mawk hangin nong dot nop uh le na tellohte uh laidal tawh hong dong un.
Dotna: Banghang in na tate in Zopau theilo hiam.
Dawnna: Nang ong hilhpihlo hiven cin.
Dotna: Obama in banghang in US President ngah hiam.
Dawnna: Alangpang pa(John MacCain) sang in qualified lua mahmah ahihna
tawh telloh theiloh khat in om ahiman le alangpangpa nang lua
mahmah aih cianga a mah a kitel hong suak hi.Kei bang bel republican
lam ka metang ka piak hi ven. Thu le la khempeuh ah insider le
outsider om thei hi. ‘We need one another.’ Thu khempeuh ah a man
den pen cih bangin bangmah kimu thei nawnlo. Nidang in weakness i
cihte tun strength kicita. Tu in muslim gam tampi ah makaite pen
numei hong hita. Hongkong ah manager, director 40% bang pen
numei makaih hi. Nidang lai a mite ngaihsutna doctrine-te tuin man
khin zo nawnlota hi. Nidang in manlo akicite zong tuin aman leh zong
zuih ding cih kingaihsunta hi. Tun ‘if you can fulfil my need’ kicita-in
ei i hat leh i nung ong kizui ding hi ziau.
Dotna: Zomite kipumkhat theih nangin Siamsinte in bang lam pan panmun
la thei ding.
Dawnna: Siamsin teng ong kipumkhat photphot leuhcin aive .
Dotna: Pilna lamah i khauhpai nadingin bang in effective pen diam.
Dawnna: Pilna tuamtuam kisam hang ei. Siavuan vive hileng senpilo ding.
Dotna: Nasepnate ah i lawhcing theihlohna pen kihazatnate hang hiam.
Zomite dinmun tuzawh kum 30 ciang koi ciang tungin na mu hiam.
Dawnna: Tuzawh kum 30 ciangin Zogam pen Zogam ci’n i sam lai diam cih ka
lungsim ah ummawh pong ing. Tuni-a i khantohnate pen i manthanna
ding hi zaw hiam. Nak ngaihsut huai mahmah sa ing. Gamdang tunga i
nuamna zah in kei ka lunghihmawh den. Tangtawnga Zomiten i neih i
mindset khel keileng hoih sa ing. It must start from you and me. Na
Zomi pih khat na gensiat leh nang le nang i kigensia suak zaw hiteh cih
Agualzo le Alawhcing Mite Neih Quality Nam 7 te
__________________________________________________________
Nov 25-30, 2008 14 Kalaymyo Baptist Church
phawk den in. Mi gensiasiate hoihlo. Ahoihloh na 75% pen agensiapa
aa hi-a, 25% pen gensiat athuak pa aa hi gige hi. Tua pa bel pil sam
naven ahihhang…, ‘tua ahihang’ i cih pen phiat theileng hoih sa ing.
Zomite i kipumkhat nading bang kisam cih dong thei, kan theita i hih
ciangin khantoh nading lam amanawh hita hang ei.
Dotna: Zomite refugee i delhdelh na awi hiam. R khat i pilna bang ciang tung
thei hiam. Mailam ading hoih na sa hiam.
Dawnna: Gamdang pai pen mimal khat ading hoih hi. Aihang in gam le minam
ading in gen haksa ing. R tawh zong a omna kumpi-te tungah
scholarship kisiau thei hi.
Dotna: Ngimna tawh kituak in bangci banga kal suan den ding, masuan ding i
hiam. Lampi khat ah kiptakin i kalsuan laitakin tuasang ahoihzaw om
leh koi cih ding cih ngaihsut ong pia in.
Dawnna: I maizum theih pen akiphasak hihang. Nuntakna pen one-way hi ei.
Luyichon apaipaite buaih ngahlo zong om lua hi. Siavuan khuak nei
napin lungduaina neilo omhi. Kei bang pen ka pa in tan X ah B tawh
ong ding in Luangel le Saipimual ah ohsuh clerk sem ding cih pen a
ma ngimna hi. Kei bel tua ciang utlo in ka mailam ding ngimnate a
sang theithei ut-in tu-a ciang a tung hing. I nuntakna sungah junction
tampi om hi. Most people settle less than what they can be. Ei mite
pen khuak hoih tam lua mahmah napi nulepate in nektawm ding
lunghihmawh den aihcianga lai sin beh zolo. I hihding zah kitung
nawnlo pah. The most energy is spent breaking free from inertia
(530,000 gallons burns off in 2:20). I khantoh nopleh zulhtat cih
kingahlo. Cihtakna le hanciamna kisam hi.
Dotna: Agualzote lawhcing hiam. Aminthangte le agualzote hong khensak in.
Dawnna: Lungdam. We can’t compare apple with orange. Naupangno khat in
tawi 3 domzo, Sia Haupu in zong tawi 3 domzo hi, aihang kiteh theilo
hi. Mittehna, sitehna, cisa tehna le teh ding tuamtuamte tehdan
kibanglo hi. Nupi hoih le pasal hoih tehdan kibanglo. Ei talent 100% i
laptoh theihna dingin lawhcinna tampi kisam hi. Mi ading ahoihna
khat pen ei ading hoih khinlo thei.
Dotna: Kawlgam le gamdang degree koici kilamdang hiam.
Dawnna: Agam tawh kisai kei. Ahua taka degree a ngah sam hangin akizang
theilo degree tampi mah om. PhD dessertation, sia 2 le 3 in PhD level
ei acihte uh mahin PhD ngah taktak pan. Hua takah zong aginalo
tampi om veve hi. Pilna sinna ah koikoi ah i sin zongin temtat-a khuak
kiat mah kul hi.
Dotna: Mi nasem dingin mi gam a va pai uh pen ei gam sungah sep theih ding
omlo hiam.
Dawnna: Gamdang paite mah in gam ong ciahkikin nasem leh hoih zaw hi.
Dotna: Mittaw le mittaw lam kihilh bangta hangin, athei asiam teng in
gamdang ong paisan uh bang ci na sa hiam.
Dawnna: Gam dang om thei ding napi ong ciahkik zong kiom sam.
Dotna: US Zomi Innkuan in mit-a muh theih lian dingin Zogam le Zomi ading
bang sepna le gelna nei na hi uh hiam.
Dawnna: ZIUS mintawh US-a Zomi khangthakte Zolai sim theih nadingin Zomi
lom omnate ah sinsak ding vaihawm sawm ung. Leitung gam 11 ah
Agualzo le Alawhcing Mite Neih Quality Nam 7 te
__________________________________________________________
Nov 25-30, 2008 15 Kalaymyo Baptist Church
Zomi Innkuan omta hi. Koikoi ah i om zongin sisan kizomte, unau
khat mah hi hang. Minam i hihna khatpen eiut thu-a lak/paih theih
hilo. Eimite pen nopna, dahnate ah vaihawmkhawmte hihang. Zomi
khat le khat i kigensiat ciang ken zatheilo hing ei. Ei khantoh nading
lunggulhnate pen Falam, Khalkhate demna zong hilo.
Dotna: Gamdang ah pilna sin theihna ding ong gen in.
Dawnna: Scholarship kisam, ahaksa ding tawh kibangin ahihang scholarship
apia nuam-a khuadakdak mitam lua. Ngakngak ding hilo. Guahzu
dinga thu i nget leh kawllukhu tawh kuan pah ding. Proactive kul.
Eimi nungak khat bang highschool aman ciang scholarship azon leh,
pharmist degree sin dingin internet pan ei minority Asia numei ngiatte
ngah ding scholarshipte asiauleh ngah. Sang kah kum bei ciang bang a
sumval lai.
Dotna: US ah same marriage koici ciang om hiam.
Dawnna: Ut uh.
Dotna: US ah biakna tuamtuamte koici dan hiam.
Dawnna: Pawlpi khat le khat kipawlkhawmin nasem thei uh. Pawl kideidanna
tawm mahmah. Penticostal paidan sanhak kasak om. Anungtolh ong
kisa lai.
Dotna: Kawlgam ah pawlkhat in Tedim Association kici uh in Gamdang-a
omte lah Zomi Innkuan kici uh, Kawlgam-a teng Tedim kici se ding
maw.
Dawnna: Eimite ki-extreme lua, UN khawng ah Chin hikei ung va ci. Gam a
kawksak leh Chin State mah kawk uhin gam neilote hi uhteh ong ci lel
uh. Tua kikalin Falam, Khalkhaten Chin mintawh metna 100% luah
khin zota. Ei pen min vai-a i extreme dan pen hun khat lai in
Zangkong Zomi Namni Pawi ah TSKhai bang Tg le Salai vai in kithat
dektakin yGJysufdek tak aive (hualai-a tu pen hi ei). Lawmte tawh i kiho
ciangin no aa Salai i zat leh ko aa Lia zang ni cih danin, akikal ah lampi
khat om thei leh. Zomi lah ong kisansaklo ding aiteh. US ah Kuki
Forum GS pa tawh kakihona khat ah Kuki bangzah om na hi uh hiam
ci’n ka dot leh Zomi-Chin akici teng zong amau Kuki-a ana tuattuat na
hi. Minam min sangin athukzaw issue lianpite amin mateng in kibuai
den ding, mitawh i kitawt sang ei le ei kisittel masa laini.
Dotna: Zomi, Zopau, Zolai mah ci thei tek leng bang ci nasa hiam.
Dawnna: Kawlgam ah tu a bang dan tawh Zomi min pen recognize kingah theilo
himhim. Tedimmi, Sihzangmi, Khuanomi, Teizangmi cih om den lai
mawk. Huam I kisak mahmah hang ong huamlo hi aci tampi kiom.
Kiniamkhiat ding kithukhual ding hi mai. Tedim Sangpi Jubilee lai a
kigel Zo Inn khat lam ding vai kigeel, a piang zo nailote pawl… Tun
zong Cope Centenial vai ding tawh kisai-in Tedim a CMBC-te kiang no
bek in hong vaihawmin nong huam zawh kei uleh picing zolo ding hi
ci’n zan deuh a kana gen hi. Kei bel tuadana akisamte gen sestet.
Sia Tuanno: TA (Tedim Association) le Zomi Association cih zong hi in,
nungdeuhin Kawlpi-ate’n Tedim Association phuan nuam ci’n
Yangon-ate’n bangci na sa uhiam ci’n ong dong uh. Kei zong Colnelpa
ka kuppih leh ‘Tedim Kipawlna – Kawlpi’ na ci le uh hilo diam ci hi.
Akisam laidal teng copy in kem ing. Kawlpi ah pawlkhat in Tedim/Zo
Kipawlna cih om ngeingai leng asia apha bel na cih takun ong om thei
Agualzo le Alawhcing Mite Neih Quality Nam 7 te
__________________________________________________________
Nov 25-30, 2008 16 Kalaymyo Baptist Church
mah ding hi. Ahihang hun tawh kizui-in apiang thei ding le nasepkhop
theih nang thupipen hi. Ko Zangkong-ate’n bel TA i cih ciangin
nidanga Tedim subdivision ahuam teng ahi; Thado, Zo, Sihzang,
Vaiphei, Hmar-te donga aveka pa hilel aive. Ko pawl min tawh kisai
theih siam kaihciang vua haksa salo kai vevua. Hihtak-ate’n bel haksa
sa dan uhi. Limtakin ngaihsun leuhcin Tedim Association – Kalaymyo
acihlel tawh bangmah phamawh zenzenlo hi ci’n ngaihsun ing.
Akizomin gento laileng kei muhna ah Tedim pen TBC ii mupaing zong
hi zenzen tuanlo aive. Pawlkhat in ong dongin Tedim-mi bang hiam, ci
uh. Hi mah, Tedim-mi omkei, Falam-mi om kei, Khalkha-mi om kei.
Zomi bek om. Laizo-mi om, Laimi om, Chomi bek om, Mindatmi om
kei. Matupi-mi om kei. Hi mah, aizongin kumpite in myone min tawh
Tedim ci ahimanin-ah kitheihsiam ding cih hi. Tuateng tawh akibuai
thei mah hi. Atawpna ah Tedim Association ci in na hanciam nop vua
leh TA-Kalay Branch na cihnop vua leh zong phamawh kei. Ko ong uk
ding bel hi kei nain, aki ngetna ah ol ding hi cih gen nuam ing. Tua
zawh ciangin sangpi adinga museum tawh kisai pen i ngaihsutna
atuamtuam ong om hiei. Zangkonga ka vaihawm laivua Tedim-a
Golden Jubilee kibawlna vai i pai dan kikhial aive. Bangci kikhialh
hiam cihleh Kawlte’n ah ‘tkd;uryl pavmif;uy’ acih dan hi. Tedim-ate l
bawl ding hi in Zangkong-ate’n la mikmek aive. La mikmek mawkin
Zangkong-ate’n komati khawng bang khawng bawlin, hikei veh aw
Tedim-ate bawl ding hiveh. Banghanghiam cihleh ken Falam ah
Diamond Jubilee kabawl laiinah Falam ah center sakin adang teng
khempeuh sum dong lel ve un sangnaupangte ken ci. Ka cih leh utlo
aive, ei Tedimte pen. Tua khat om. Bangbang hileh cinah Zangkong
pana bawl inah, Tedim ah va hihto inah, sum zong bang sazian siantan
hih zolo ci mai ni. Tua khit tak cianga hih i bawl khittakciang Zo Innpi
khat lam ni, Zo van khempeuh tuateng ah koih ni. Sangnaupangte
muh dingin ci. Kithukim thei tuanlo. Hi kei, Zo Innpi i lam ding leh ol
kei. Tulaitak computer hun ahihtakciang inah computer bangzah maw,
khat maw, i magazine zuakna sum tawh computer leisak ni. A
computer i leikhit takciang inah i neih lai leh printer leisak ni. I neih
lailai leh copier leisak lel leng amau adinga vufawGUus kizang theipen
zaw ding hi. Inn cih pen bangmah hi zenzenlo hi. Amau PTA-te i sep
ding hi cileng zong computer na lei dingin inn na lam ding ci inah
qkH;jzwf. Atamzaw i qkH;jzw na aihcianga ei khatguak i deihna kigen f
theilo. Atawpna ciangin kei bang building komati ah pangin tulaitak
bang Tedim Association secretary kaihcianga ka seploh ong phamawh
aive. Ut in ut kei leng. Ahihanga tua pen ah bel ahun khattek a om
hinah ama hun ong bei piñata-in, ong dai piñata-in, sum teng 15 kan
ong kah thei nawnlo aive. Teng 15 tawh lah inn kilam zolo ding hi. Hi
in, tua zong ngaihsut ding khat thu hi. Ka cih takinah gamdangate’n
lah i muan hi ci’n jynfwGif; aten zong akimuang hi napinah atung
limlima kipana Tedim pana kikhialkha inah Tedim-te ii sep ding pen
Zangkonga te’n valakha laizang hi. Akicianin genna hi mai.
Zo le Chin: Tua bel abuai khat mah hi inah, 1998 kum Zominam Ni
kum 50 cina sang kikhak aitakcianga kumpi nasemte’n makai-a na
kisem hi. Kibawl hi. Tu zingin i laiatna ah ka *kPfjyK uh 924 ci kha in,
911 hi zaw hi. Na khel un cin. Tua tak ah kithutuaklua peuhmah inah
Zomi pen kumpite’n nam 53 in hong khen hang inah ko bel nam 7
beka khen. Tedim le Tonzang teng khempeuh pau kibang aihciang
inah tua 1, Falam 1, Khalkha le Thantlang 1, Mindat le Kanpalet 1 a
Agualzo le Alawhcing Mite Neih Quality Nam 7 te
__________________________________________________________
Nov 25-30, 2008 17 Kalaymyo Baptist Church
gawm ziau, Matupi 1, Asho Chin 1, Paletwa 1, ci’n tua cih ziau lel. Tua
banga i hih cianga ol aive. 1998 akipan kitottot zong ong om nawnlo
aive. Tuama-a bel akilailai den. Akibuailua. Tua hinah na i hih ciang
inah ,Ofaus;rIi hih ciangin zong Tedim/Tonzang paninah lam na deih
penpen uh tu kum lam un. Mai kum ciangin zong na deih penpen uh
lam un, cih dan ong hi ta. Khat vei lah Thahdo lam lam zel, khat vei lah
Zo lam lam zel, khat vei leh Sihzang lam lam zel, cih bang khat
peupeuh phamawh zenzenlo. Amah khata kigawm ngiat. Tua hileh
nuam aive. Tua takcianga i min ding pen, Chin le Zo le adang bang
hiamkhat kituh ding hi zenzenlo. Cikmahcianga bei ngeilo ding. Tua
pen aman na dinga kei zong tawmcik khat ngaihsun ing, ‘Aw, Zomi
tangthu, at dih ni ei’. I min banghiam, i pu min bang hiam, koi pan
piangkhia i hiam, cik hun in Kawlgam tung i hiam, Kawlgam pan in
Zogam banghun in tung i hiam, i tunna myone tekah minam lian
bangzah om ihi hiam cih pen i ,Ofaus;r bang ahihiam mata guai, I
mailam adingin bang ngaihsutna i nei ding i hiam, ci in tuatengpen
ngaihsuthuai hi. Nidanga Kawlgam ah mi om masa pen ysL? urf;,H? ouf
kici in, ei Zomi pen Mongolia pan ong paite sungpan ouf minamte i ve,
ci-a kiciamtehin ahihang Mindatte’n ysL hizaw ve ni aw. Banghang ci.
Ko ka min phuahdan uh Pyute min phuahdan hi veh ci. Pyute’n min
aphuah uhcianga ysLapmxD;? xD;rif;,Of? ,Ofrif;ykduf? ykdufaoaMumif?
cihbanga amau a pa uh tap suk deudeu aive. Aw tua zong khat hi bilbel
aive. Tualeh ei Zomi sungah en mintap nei-in, i lawm dangte’n mintap
nei hiaulo aive maw. A utut vua phuak uh aive. Tua aihtakcianga ei-a
pen namtuampi khat ong suak in, ei-a ei ,Ofaus;rI khat hong hi. Tua
hinah i veka i kigawm noptakcianga i min ding pen Zo tawh, Cho tawh,
Sho tawh pen aw khat hi’nteh, abul hi’nteh ci’n Dr Limbert in khatzaw
sangsang hinteh ci hi. U Thein Phe Myint inah Amau Chin cia i lawh
ciang ong nial tantanloh hangun amau le amau Mizo, aihkeh, Zomi
kici ve uh aw, ci’n a laibu sungah na at leuleu hi. Tua hi’n tua khawng
teng mi tawh kituh kituh inah tutakcianga Dr Vum Khua Hau ii idea
khat ah ka zakkhak khat omin Dr Vum Khua Hau in bangbang hileh
Zo-Chin, sungpan i vekin Chin ci zaw mai inah Zo-Chin, Lai-Chin,
Cho-Chin ci zaw mai leng bang haksa hiam a cih pen diksa ing. Col
Khen Za Moong in zong ama stand point tua nahi lel hi. Aman
bangbang hileh ei Zo tawh min i deih hanginah ei teng mah kici hi
hangin ei le ei bel Zo kici lel ni, phamawh kei. I lawmte’n lah ong sang
ngei kei in cin ahizonginah i Zomi bup khempeuh, Chin khempeuh pen
Zo ci theilo ding i takciang ei le ei bel Zo kici lel ni, phamawh kei,
aizongin i at takcing, Zo-Chin, Lai-Chin, Cho-Chin kici lel ni. Tua pen
hileh amau adinga lah nalo, ei adinga lah nalo hi. Tua khat hi.
Salai le Mai: Salai le Mai i cih pen i kipawl theih nading a ngaihsutsut
ciang vua ei sangnaupangte mah in ah cp, apian tung lam khawng hi
in cin Thawng Luai Mang tepawl, Ram Leng Mung tepawl inah i vek in
ah Salai le Mai cileng aive ci uh aive. En ei Tedim lam pen lia le taang
ana kici khin linlian hi’n ah amau aneilua lawmlawmlo Pule khawng
Val khawng, kici uh. Amau aneihloh cianga Salai/Mai pen lak nop ziau
aive. Aihang ei adinga i ,Ofaus;rI pen qifh khat akineikhinta aihcianga
amau-a va zuih ding haksa khata om aive. Tuatakcianga, lia le taang i
cih takcianga lia i cih takcianginah nungak, taang i cih takcianginah
tangval ci-a ngaihsun ive. Ataktaka cileng lia i cih numei khempeuh
aive, tg i cih pasal khempeuh aive. Bang hanghiam cih leh i la khat ah
Agualzo le Alawhcing Mite Neih Quality Nam 7 te
__________________________________________________________
Nov 25-30, 2008 18 Kalaymyo Baptist Church
bangci haim cih leh, ‘Taang hi leng, ko liang …… ‘ ci in pasal ten taang
acihciang pasal acihna zong aive. Pasalte’n ah i liangko ah thau kitawi
ciata sa mandingin mualsuahding, ‘sangsa mualsuah ding taang
kilawm,’ acih pasalte kilawm hi acihna aive. ‘Sangsa mualsuah le
Taang kilawmlo,…,’ ci ziau mawk aihtakcianga, lia acih ciangah nupi
zong hithei aive, nungak zong hi thei aive, numeino zong hithei aive.
Tedim sang kahloten huhna pia nuamlo ding. Sang Jubilee pai dan
zong khial. O ka mapu, salaung ka pu cih dana Ygn lamten na
buplaklua, Tedim ate sep ding pen. 98 – Jubilee lai, Zomi pen 7 a khen
ziau, kithutuak mahmah. Zo le Chin aman nading. Thet minam hizaw
ni. Pyu hizaw ni cin Mindatten ci, Pyute min phuah dan suak. Dr
Lehman Zo, Cho, Sho hi. Dr Vom Khaw Hau idea, Zo-chin, Lai-chin
kici lel leng, salai le mai, Thawng Luai Mang, tepawlin salai le mai kici
leng cin, ei tg le lia kithuah khin linlen ten sanhak. Lia = numei
khempeuh, tg = pasal khempeuh. La ah na om. I lawmta zong va nial
luat ding zong hikei. Kalia pen numei hoih aihteh lia zang ni cileng
zong amau sang thei kha thei. Kipawl theih nading hi leh piak le lak
om ding.
Lia le taang i cih ciang nungak le tangval bek hisamlo hi. Aihzongin i
lawh ciang bangbang hileh, a nungak lai, a tangval lai zawdeuh
ciangciang lia le taang ci-inah a papi zawdeuh teng nu le pa ci-inah a
upa zawdeuh teng pi le pu ci ni cihtawh a kinei hi, ei ading. Tua pen en
zang leng phamawh kei, ei ading inah. Aizongin i lawmte a pen va nial,
va kinloh ding zong hi kei. Denna i cih mah bangin bang hanghiam cih
leh salai i cih amau zangh uh aileh en zong salai khat veivei lawmte
tawh kikholhnain en zong va zatpih leng zong hi thei. I cih takin ei-a
ah lia i cih ciang numei zong hi thei, paal i cih ciang zong numeite
cihna aive. Hi’n, hoihna khat a neihna zong om in teh, cih khawng va
gen leng zong amau ong san theih na ciang khat om in teh.
banghanghiam cih leh denna i la pen lia le taang-in sa kei inah, salai le
mai-in sa ni cileng ‘salai-te…..’ cileng anoplohna ciang khat om, hilo
hia. ‘sangsa mualsuah le salai kilawm aw, tua mual ham lam pha va
dawn dinga tuklu pai le mai kilawm ve,’ (kinui ziahziah). Hong haksa
peuhmah aive, simkhata maw. Tua hi’n, aizongin ah bangbang hi leh
kipawl theih thupizaw aitakciang tuaci bang dan inah, ahihna, ahih
theihlohna teng va gengen leng amau zong hong tel dingin khat le khat
kitawng zenzenlo dingin ahoihdan maw i la sung khawng a om dan va
gengen leng, amau zong hong tel thei dinginah atawpna cianga en
zong amau-a zong i lakphialna zong om veve ding. I lak phial kei-a
zong, na pen piakloha aki hih theilo aihtakcianga a hun khat cianga na
pen ei-a pen en zangh lel le hang bangci hiam cih zong khangnote’n
hong ngaihsun unla zing khawng ciang kipawl theih nang teitei inah
tua zong hong vaihawm un ci’n no kiangah zong hong vaikhak nuam
ing. Ka lungdam.
Sia Do Kham: Dr Gin Khan Khual tawh ka kiciamnuihna khat vuah, ‘U Khual, no
England lamate pawl bel tangthu leh kankan inah inn lui bekbek,
England pai leng na khempeuh lui cihtaka lui inah, a khek zo ding hi
napiin kheklo. Alui teng mah tanphotha inah kemkem mawk.
American pen na khempeuh alui teng laih inah athak ngena koih inah
mordenized nasia mahmahin England le American pen akitehthei
vetlo hi’n no England-te khawng tangthu gen siamin tangthu bek lehet
den keei in, ko American-te bel mailam ensa-a paiin, no England-te
Agualzo le Alawhcing Mite Neih Quality Nam 7 te
__________________________________________________________
Nov 25-30, 2008 19 Kalaymyo Baptist Church
bel nungatsa-a pai hi uteh ci’n ah a thuhoih khempeuh lah lettweh-a
kizangkhin theilo khat (irrealistic practices). Tun tuate khawng
American-a i lawmte’n a buaipih nawnlo aive. Tun mun khempeuh ah
Lai in ci nawnlo-khin, amau tun, na khempeuh lawmte’n Chin min
tawh buplak aive. Ei tun abeisa kum 20 laia i kitotna teng tun aphisian
pansan hi bek inah lawmte’n tuate buai dinga tuat vet nawnlo uhi. Tua
aive, ka lunghimawhna pen. Lawmte’n buai ding tuat nawnlo, lia le
taang/ salai le mai pen thu hi nawnlo. Bang inah ko Laimi teng
phattuamna hong pia ding cih bangdan le leitung bup i atihamhat
pyuh sain kiguang thei ding ka hi uhiam, Laimi zong ci nawnlo-in Chin
hi ung ei, a kicih uh cianga tun mi khempeuh Lai ci nawnloin Chin kici
ziauta uh. Laibu sungte en leng, Chin tawh kisai teng amau Chin a
hita. Zomi cih nak leh kua hiam cih pen shinpya denkei kulin i shinpya
hanglah enleng mu nawnlo mawk uh aive. Akoi akoi-a kumpi
tuamtuamte’n. Hi in, post-modernism pen lawmte’n lettweh a zangh
lian uhi. Ko minam bang in akyu (meetna) 100 ah 100 ngah theih
nading a om nak leh ko a min khawng buai pih nawn kei ung, aci phial
uhi. Tua ngah nading pipe-line pen Chin cihna hi’n lawmte’n pumletin
Lai hing kici nawnlo. We are Chin hita. Amau bel no na ut peuh kici lel
un hong ci ding hita aive. Hi’n, tua tak ah, uRefawmfwkdU blwm&kHrSm
apmifhaewkef; &xm;u awmh ausmf oGm;NyD? aemuf &xm; vm rvm; qkdwm ajym vkdU
r&bl;/ cih pen kei muhna lian hi. Hi’n, a lettwe pen inah, practically
inah, bang kizangh thei hi-a tua in ei minam bup phattuamna ong pia
thei ding hiam ci-in lawmte’n tua lian na manta uh aive. Tangthu pen
thupi tei napi’n tua zaha pom ding hilo. Obama kitelna banglian hi.
Abeisa kum 10 laiin America ah ni khat ni ciangin mivom khat in
president a ngah ding hi, ci leng a kaangte’n ka ngawng hong tan zaw
in ci’n, piang ngei ken teh a ci ding uhi. Tun hong piangta aive. Leitung
kipeizia khat pen lawmte’n na pom thei uin, ei tu’n ei sung mahmah ah
zong pen Tedim kici ding maw, Zo kici ding cih, kiphisian zo nailo, hi
panpan lai himawk aihteh ki-naukkya lua, gen zawh hi kei.
Ngaihsunkha leng kei bang ka lung a nuam hetlo hi’nah tua munte ah
kei bang bangmah ka hihloh hang tua dan kikupna ah ngaihsunna a
khawm nuam mahmah kai ve. Hi’n, tua ciang gen phot ni. Thu dotna 1
le 2 om lai kha in cin, tua khitciang khawl bawl ni.
Dotna: Na gualzawhna i tawhtang.
Dawnna: Pasian muang, lametna tawh nungta. Lametna tawh nuntak pen thupi
ngiat hi ei. Tu-a ka dinmun pen lansonne (end) hi nailo hi.
Gualzawhna in kei hong ngak hi. Upa semsem ding, pil semsem ding,
himawk aive, kei-a pen. Tek kuanta ci’n kei arnge sawm deklo. A Zo, a
Kawl-te, Kachin, Kayin-te, Mang-te khawngin idea ngena hong pai
ding hi, hi lai aive, kei kiang pan. Lametna tawh nuntakna pen
kikhangno suah den hi ei. I lungsim khat alawpsa-a kiom den hi.
Dotna: Sia aw, hih seminar laidal ateng tha ngah lua ing. Tua hia hih paper
teng bek tawh lungkim zo kei ingin, nong hilhcianna teng tawh a lai-in
gelhsa-in, a bu hiam, a daldalin hiam kingah theih leh cih hong ngen
ing.
Dawnna: Tua hong ngen kua aita. 1,000 pia ning ei. Hong pai o lawm (khut
kibeng ziahziah)……. Tuni-a meh zong limkhollo hi napinah thangah
taka na tut uh, tha ngahkik peuhmah ing. Budget geel tam mawhlo hi
napi’n sum ngah ciang deihzah hi kei inah adang lamte bel ka bei teei
hang bangbang aizongin an bangzah vei ne lai ding nai vua. Neek 9 ne
Agualzo le Alawhcing Mite Neih Quality Nam 7 te
__________________________________________________________
Nov 25-30, 2008 20 Kalaymyo Baptist Church
lai ding ci vo. Aki cing kei phial zong inah adang ah zanglo in annekna
bek dingin teng 3 tawh hong pawin ning ei. (khut kibeng
ziahziah)….Gam bup khawmpi hibuang aihteh amuinam zawdeuh na
ne vo. Asa gim mahmah nam zolo aihteh kong piak nop bek hi’n a nei
hi keng. Kong itna, kong deihsakna hi, khangnote tungah. Kei
zingciang vanleng tawh Zangkong lengsuk ningin Nipi khitciang
America na ciahkik ding hing. Hibang hun pha i ngah theih
lungdamhuai ei. Question om lai maw. Den ciang group man kizaih ni
aw. US a ong zuak ding kaive. Zomi siamsin mipil hizahtak omin US a
te’n bangciang panpih thei ding i hi hiam ci’n a dong nuam kaive.
America-te kiang abangci liakluak i hi hiam ci-a a dong nuam kaive.
Ko Tulsa ah pawl nengneng 5 omin akigawm ZCF ci’n kei president
kave. I mite na chellange den kaive. America-a na sum ngah uh na
hawmthawh uh Kawlgam na om lai un, bangzah sang na hi uhiam ci’n
dong leng nui ngeingai lel sam uh aive. I gam ah haksatna om ciang
ma pang khawma ding ding cih pen maizumlo taka atawsawn den
kaive. Hi’n ah, no zong muantak dinga nong om ding uh kisam. Nung
kum lam khata zong Zangkonga lawmte tawh Zogam hoihna teng DVD
in zaihin lasiamte lasak tawh thuahkhawma bawl ding cih khat ka
vaihawm uh piang zo nailo mawkin tutung kong zin ciang, lawmte
hong pai uhin Dr khat in hong khem samlo dingin hong um ung, ci
mawkun ken lah ken bel no teng lawng khata nong din masak ding uh
kisam masa ding hi, ci’n ka dawn hiven. Tua banga project-pi sem
dingin hong muang nailo hing ci’n kilawmta dawnkik ngiat hing. Hi’n
ah, hong citak mahmah unla, hong kipawl siam unla, hong kiit unla,
nasepnate hong tangzaisak leuhcin tuateh akisapnate hong zasak
leuhcin no tangin ah gam danga omte kiangah i gam taktak
minampihte ading inah phattuam nading nong vaihawm zawh uha na
picin uleh ngah pah ning ci ngam keng, aizonginah hih ciang
lawmlawm gam bup kipawlna tawh seminar kinei-in muinam palo cih
pen bel hi thei sa keng. Hong gengen leng hong kapkha phial ning
inah, hong vei lua peuhmah ing. Kei bel hihciang ka tunna pen
hampha kisa lua hi mai. Bangmah theilo, bangmah neilo, naupangno
cidam hetlo khat pen Topa’n thupha hong pia inah tun leitung bup ah
ka kiphatna hi kei, ka gen hang zong tel kei nuteh. Topa hong ompih
dan azai dan ka gen hang tel kei nuteh. Hong uppih kei nuteh. Kei
deihna pen tua khangthakte i Zogam a puah thei takpite tungah ka
minam adingin ka invest nop pen hi. Mipi tung va pia ding inah teng
1,000 ka pia zongin zing ciang antang hai 3 tek hawmto leng zong
cinglo lai ding aive. Aizong, hih lunesu i gam a puah thei ding mite
tungah hua takah teng 1,000 ka bei sang hih siamsinte tungah teng
100 pia leng tua in pen i gam in a gah ne thei baih zaw ding cih ka
upna om ngait hi. Strategic thinking, nibyuha kyakya taka ngaihsut
theihna bang tan nasep hanciam na hiam cih sanginah bangciang
effective takin sem na hiam cih pen thupizaw hi. Gen ni cileng, mi 2
sing phuk ding kisawlin singat pen a 2 a hiamlo, mawl mahmah hi.
Khat pa inah, a mawlpi-a sing tan sawmin, sawtpi mah at, nai 2 sung
bang a sep teh a kim khawng tungpan. A khat pa in bel hih piang
mahmah kei, a singat taat phot ni ci’nah minit 15 sung taat ngekngekin
hiamsak phot inah tua khit takciang minit 15 sung a zat leh singkung
tan thei ziau hi. Hanciam ponga semlo ding inah strategic taka, ni
byuha kya taka thihyauh theihna aive i lunggulh ding. Khat veivei nai 5
khawng laisimin mal khat zong ciamteh theilo i ve maw. I lungsim ah
hia nu, hia pa khawng om thei aive maw. Na ci uhna. Aihang, khat
veivei minit 10 khawng, nai lang khawng simin i sim khempeuh
Agualzo le Alawhcing Mite Neih Quality Nam 7 te
__________________________________________________________
Nov 25-30, 2008 21 Kalaymyo Baptist Church
ciamteh thei i ve. It’s not how hard you work, but how smart you work.
Tuni bel i hun hawmthawh hanginah tukhawmin holim nuam
mahmah lai hang. Ken hong vei ngiat ing ei, siamsin. Hong vei ngait
ing. Vei cih takin hong vei ing. Ni dang ciang tuabang kik ciangin zong
hong vaihawm zel unla, kum simin kha 3 peuhmah kyuten-in program
hong suai unla, hong theisak unla, hua lama om buaih ngahsa
university tungkhin peuhmah ken leibasiika siik sawm hing ei. Zomi
Innkuan president kum 2 ka sep hi’nah tun ka term a bei ding hita. Ka
sem suaka ka khawl zongin Zomi adingin bel ka omomna ah mapang
den ding hing. I minam ading nasepna ah pya khat zong khiap sawmlo
hing ei. Tua dinmun ka om mana Zomi makai a suak kaive. Tualo in
zong a vei ngiat. Pasian umin nungta leng Hong lamsang ding hi.
Nainganzi peuhmah tawh koimah tunglo ding hi hang. Tuni ciang
Zomite hihciang Hong tunpih Topa deihna tawh kalsuan leng tun
aziakai i bat hang mi ban veve ding hi hang. Picinna lamah
azungkhoha i kalsuan ding no le no hong kineumuh peuhmah kei unla,
hanciam khawm ni cih hong vaikhak nuam ing. I pilna i siamnate nial
theihloh ciangin kician leh mi lakah mun kingah veve hi.
Dotna: Zomite mipil zong kitamta ahimanin Zogam in Self-determination
ngah ding kilawm na sata hiam.
Dawnna: Kua ee, mipil. Mipil bangzah pha nai i hia. Ready nai kei lua hang.
Kumpi langpang ding hilo hihang.

Facebook Comments